WAITING CAFE : January 2017

Tuesday, January 31, 2017

អ្នក ស្រលាញ់គ្នា និង អ្នកបម្រុងរៀបការគួរអាន

history of valentine's day ចុច (មានវិដេអូ)

ជារៀងរាល់ខែកុម្ភៈ 14, នៅទូទាំងសហរដ្ឋអាមេរិកនិងនៅកន្លែងផ្សេងទៀតនៅជុំវិញពិភពលោក, ស្ករគ្រាប់, ផ្កានិងកាដូត្រូវបានផ្លាស់ប្តូររវាងមនុស្សជាទីស្រឡាញ់នៅក្នុងព្រះនាមនៃផ្លូវនៃក្តីស្រឡាញ់ទាំងអស់។ ប៉ុន្តែមិនបាដឹងប្រភបមកពីណាច្បាស់លាស់? ស្វែងយល់អំពីប្រវត្តិនៃថ្ងៃឈប់សម្រាកមានអាយុច្រើនសតវត្សនេះពីធ្វើពិធីសាសនារ៉ូម៉ាំងបុរាណទំនៀមទម្លាប់របស់ Victorian ប្រទេសអង់គ្លេស។

history of valentine's day

Saturday, January 21, 2017

Tim Cook លក់ហ៊ុន Apple ស្ងាត់ៗ ដូរយកប្រាក់ ៣,៦ លានដុល្លាr

ក្នុងសប្ដាហ៍នេះ នាយកប្រតិបត្តិ Apple លោក Tim Cook បានលក់ហ៊ុន របស់ក្រុមហ៊ុនចំនួន ៣០ ០០០ ហ៊ុនដែលស្មើនឹងទឹកប្រាក់ ៣,៦ លានដុល្លារ។ ការចុះបញ្ជី របស់គណៈកម្មការ មូលប័ត្រអាមេរិក បង្ហាញថា Tim Cook បានលក់ហ៊ុនចាប់ពីថ្ងៃទី ១៧ ដល់ ១៩ មករា ដោយមួយថ្ងៃលក់ចេញ ១០ ០០០ ហ៊ុន។ តម្លៃជួញដូរជាមធ្យម គឺមួយហ៊ុនស្មើ ១២០ ដុល្លារ។ កាលពីឆ្នាំមុនមេ Apple រូបនេះទទួលបាន ចំនួនហ៊ុនសរុប ១,២៦ លានហ៊ុន ហើយបន្ទាប់ពីការជួញដូរនេះ គាត់នៅកាន់កាប់ហ៊ុន Apple ចំនួន ១ ០០៩ ៨០៩ ហ៊ុនទៀត ដែលមានតម្លៃស្មើ ១២១ លានដុល្លារ។ ការលក់ហ៊ុននេះ ដែរបានធ្វើឡើងបន្ទាប់ពី ការប្រកាសថាចំណូលប្រចាំឆ្នាំ ២០១៦ របស់លោក Tim Cook បានកាត់បន្ថយអស់ ១,៥ លានដុល្លារ ដោយសារតែឆ្នាំមុន Apple មិនអាចរកចំណូល បានដូចគោលដៅ ដែលកំណត់៕ -

Friday, January 20, 2017

កប់ហ្មង! Nokia 6 ដាក់លក់ផ្លូវការថ្ងៃនេះ តែមួយនាទីលក់អស់ខ្ទេច

ក្រោយប្រកាសបានប៉ុន្មានសប្ដាហ៍ទីបំផុត Nokia 6 ក៏បានចេញលក់ជាផ្លូវការនៅប្រទេសចិនជាថ្ងៃនេះផ្ទាល់ ដោយត្រឹមមួយនាទីសោះលក់ដាច់អស់ពីស្តុករលីង។គេមិនច្បាស់ថាចំនួនដែលលក់ចេញគឺប៉ុន្មានគ្រឿងនោះទេ ប៉ុន្តែបើក្រឡេកមើលការចុះឈ្មោះទិញទូរសព្ទដែលបើកឲ្យចុះឈ្មោះកន្លងមកគឺទទួលបានការចុះឈ្មោះលើសពី ១ លាននាក់ឯណោះ។ ត្រួសៗពីលក្ខណៈសម្បត្តិរបស់ Nokia 6 មានអេក្រង់ទំហំ ៥,៥ អ៊ីញ, បន្ទះឈីប Snapdragon 430, RAM 4 GB, មេមូរីម៉ាស៊ីន 64 GB (អាចបន្ថែមទំហំបានតាមមេមូរីកាត), កាមេរ៉ាក្រោយ 16 MP, មុខ 8 MP, ថ្មទំហំ 3000 mAh និង ដើរដោយប្រព័ន្ធប្រតិបត្តិការ Android 7.0 Nougat។

បច្ចុប្បន្នទូរសព្ទនេះមានតែលក់នៅក្នុងប្រទេសចិនក្នុងតម្លៃប្រមាណ ២៥០ ដុល្លារ ប៉ុន្តែឆាប់ៗខាងមុខអាចនឹងបន្តលក់នៅលើទីផ្សារជុំវិញសកលលោកផងដែរ៕

8 Min Abs Workout, how to have six pack

បងប្អូនដែលបិទស្កុត ឬបាញ់ថ្នាំដូរពណ៌រថយន្ត ឬម៉ូតូ ខុសពីកាតគ្រី សូមធ្វើការបកជាបន្ទាន់ បើមិនចង់ឲ្យបូលីសចរាចរណ៍ផាកពិន័យ

យោងតាមហ្វេសបុករបស់បងប្រុស Hea RA បានឲ្យដឹងថា៖ រាល់ថ្ងៃការអនុវត្តច្បាប់ចរាចរណ៍ផ្លូវគោកគឺធ្វើឡើងទូទាំងប្រទេស នឹងជារាងរាល់ថ្ងៃយ៉ាងសស្រាក់សស្រាំ ជាពិសេសទៅលើការផាកពិន័យ នឹងណែនាំដល់បងប្អូនប្រជាពលរដ្ឋដែលធ្វើដំណើរនៅលើដងផ្លូវ។

ដោយឡែកថ្ងៃមុនបានហៅម៉ូតូប្អូនស្រីម្នាក់មានស្លាកលេខ ភ្នំពេញ 1FU-8098 ដែលបានបិទពណ៍ទាំងស្រុងដោយគ្មានការអនុញ្ញាតត្រឹមត្រូវដើម្បីសាកសួរនឹងណែនាំ ប៉ុន្តែពេលដែលនិយាយណែនាំទៅគាត់ គឺគាត់មិនបានស្តាប់ការណែនាំទេ ប្អូនស្រីបែជានិយាយមកទាំងគ្នានការទទួលខុសត្រូវ ហើយគាត់បានខលទៅនេះទៅនោះ មួយសន្ទះុមកគាត់ក៏បានសំុមើលច្បាប់ ហើយគាត់ក៏បានឲ្យប៉ូលីសចេញវិក័យបត្រជូន។
អគុណប្អូនស្រីដែលបានផ្សព្វផ្សាយអំពិការផាកពិន័យ នឹងការទទួលខុសត្រូវឲ្យបងប្អូនប្រជាពលរដ្ឋបានយល់ដឹងពីច្បាប់មួយនេះកាន់តែទូលំទូលាយ។ ហើយបងប្រុសក៏បានថតច្បាប់ទាក់ទងនឹងការពិន័យនេះផងដែរ សូមបងប្អូនទស្សនាទាំងអស់គ្នា៖

ទម្លាប់ងាយ៤យ៉ាងដែលនាំឱ្យអស់លោកអ្នកមានសុខភាពល្អ

មានសុខភាពល្អនឹងនាំឲ្យមានអាយុយឺនយូរ។ ការសិក្សាថ្មីមួយដែលធ្វើឡើងដោយមជ្ឈមណ្ឌលត្រួតពិនិត្យនិងទប់ ស្កាត់ជំងឺរបស់សហរដ្ឋអាមេរិកហៅកាត់ CDC បានរកឃើញវិធីសាស្ត្រ៤យ៉ាងដែលនាំឲ្យសុខភាពល្អប្រសើរ ។

ការសិក្សាដែលបានចុះផ្សាយនៅក្នុងព្រឹត្តិ ប័ត្រ American Journal of Public Health ធ្វើពិសោធន៍លើមនុស្សប្រមាណ១៦.៩៥៨នាក់មានអាយុចាប់ពី១៧ឆ្នាំឡើង ទៅ។ ភាគច្រើននៃពួកគេរស់នៅក្នុងសហរដ្ឋអាមេរិក។ វិធី៤យ៉ាងដែលCDCរកឃើញមានដូចជា ៖

១-ចៀសវាងការជក់បារី ៖ ប្រសិនជាអ្នកមិនទាន់បានជក់ទេ សូមកុំជក់ ប្រសិនជាជក់ហើយ សូមបញ្ឈប់វាពីពេលនេះតទៅ។

២-កម្រិតបរិមាណគ្រឿងស្រវឹងដែលផឹករាល់ថ្ងៃ ៖ បុរសមិនគួរណាផឹកគ្រឿងស្រវឹងច្រើនជាង២កែវក្នុងមួយថ្ងៃទេ។ ចំណែកស្ត្រីវិញមិនឲ្យច្រើនជាង១កែវទេ។

៣-កែលំអរបបអាហារដែលអ្នកទទួលបានប្រចាំថ្ងៃ ៖ គួរតែបរិភោគបន្លែ ផ្លែឈើ និងគ្រាប់ធញ្ញជាតិឱ្យបានច្រើន។ ចំពោះអាហារសមុទ្រវិញ គួរជ្រើសរើសយកប្រភេទដែលមានខ្លាញ់តិចតួច ឬក៏គ្មានសោះ។ កាត់បន្ថយការទទួលអាហារណាដែលមានសូដ្យូមច្រើន ឬប្រៃខ្លាំងពេក ។

៤-ធ្វើលំហាត់ប្រាណឱ្យបានទៀងទាត់ ៖ គួរតែហាត់ប្រាណឱ្យបានយ៉ាងតិច៥ថ្ងៃក្នុង១សប្តាហ៍ ឬក៏យ៉ាងហោចណាស់ ធ្វើការហាត់ប្រាណប្រភេទមធ្យម (ដើរញាប់...) សរុប១៥០នាទី។

សម្រាប់អ្នកដែលបានចូលរួមពិសោធន៍វិធីសាស្ត្រ ទាំង៤នេះគឺ ៦៦% មិនប្រឈមនឹងការស្លាប់ដោយជំងឺមហារីក ៦៥% មិនប្រឈមនឹងការស្លាប់ដោយជំងឺបេះដូង និង៥៧% មិនប្រឈមនឹងការស្លាប់ដោយជំងឺផ្សេងៗ ៕

Thursday, January 19, 2017

ប្រតិបត្ដិការ ២ សប្ដាហ៍ចាប់ឈើប្រណីត ១៥៧ កំណាត់

ពោធិ៍សាត់ៈ ឈើប្រណីតប្រភេទធ្នង់ ១៥៧ កំណាត់ និងឈើដុំបួនជ្រុងទ្រវែង ៥០០ ដុំព្រមទាំងគ្រឿងចក្រអារឈើ ៣ គ្រឿង និងឧបករណ៍កែច្នៃឈើល្មើសច្បាប់មួយចំនួនត្រូវបានកម្លាំងកងរាជអាវុធហត្ថលើផ្ទៃប្រទេស និងកងរាជអាវុធហត្ថខេត្តពោធិ៍សាត់បង្ក្រាប និងរឹបអូសបានពីទីតាំងល្មើសច្បាប់ ៣ កន្លែងផ្សេងគ្នា បន្ទាប់ពីចុះប្រតិបត្តិការ ២ សប្ដាហ៍នៅភូមិក្សេត្របុរី ឃុំសន្រែ្ទ ស្រុកភ្នំក្រវាញ ខេត្តពោធិ៍សាត់។ នេះបើតាមមន្ត្រីកងរាជអាវុធហត្ថពីម្សិលមិញ។

លោក អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេសបានថ្លែងថាប្រតិបត្តិការនេះបានធ្វើឡើងចាប់ពីថ្ងៃទី ៣ ខែមករាដោយមានការចូលរួមពីអាវុធហត្ថខេត្ត។ ក្នុងប្រតិបត្តិការនេះសមត្ថកិច្ចបានរកឃើញទីតាំងលួចលាក់ច្នៃឈើល្មើសច្បាប់ ៣ កន្លែង និងរឹបអូសឈើមូលប្រភេទធ្នង់ ១៥៧ កំណាត់ ឈើជ្រុង ៥០០ ដុំ គ្រឿងចក្រអារឈើ ម៉ាស៊ីនរ៉ៃ ៣ គ្រឿង និងឧបករណ៍បម្រើបទល្មើសមួយចំនួនទៀត។

លោកបានបន្តថា៖ «នៅពេលនេះក្រុមសមត្ថកិច្ចយើងកំពុងបន្តស្រាវជ្រាវរកអត្តសញ្ញាណម្ចាស់ទីតាំងកែច្នៃឈើខុសច្បាប់ទាំងនោះដើម្បីសាកសួរ និងកសាងសំណុំរឿងបញ្ជូនទៅតុលាការតាមនីតិវិធីច្បាប់»។

បើតាមលោក អេង ហ៊ី វត្ថុតាងខាងលើនេះត្រូវបានយកទៅរក្សាទុកនៅទីស្នាក់ការដែនជម្រកសត្វព្រៃភ្នំឱរ៉ាល់ដែលគ្រប់គ្រងដោយក្រុមមន្ត្រីបរិស្ថាន។

យ៉ាងណាក៏ដោយមន្ត្រីអាវុធហត្ថម្នាក់ដែលបានចូលរួមក្នុងប្រតិបត្តិការនេះបានប្រាប់ភ្នំពេញប៉ុស្តិ៍ពីម្សិលមិញក្នុងលក្ខខណ្ឌសុំមិនបញ្ចេញឈ្មោះថាពេលនេះក្រុមការងារបានកំណត់មុខសញ្ញាម្ចាស់ទីតាំង និងអ្នកពាក់ព័ន្ធបានមួយចំនួនហើយ ប៉ុន្តែមិនទាន់បង្ហើបឲ្យដឹងជាសាធារណៈនៅឡើយទេរង់ចាំប្រមូលភ័ស្ដុតាង និងសាក្សីដាក់បន្ទុកបន្ថែមសិន។

ប្រភពដដែលនោះបានបន្តថា៖ «មន្ត្រីបរិស្ថានមួយចំនួនក្នុងតំបន់នោះអាចនឹងត្រូវបានគេសង្ស័យថាមានការពាក់ព័ន្ធទៅនឹងករណីនេះ»។

ពាក់ព័ន្ធទៅនឹងករណីនេះលោក សាន់ មរកត ប្រធានមន្ទីរបរិស្ថានខេត្តនេះ និងលោក អ៊ុន គឿន ប្រធានដែនជម្រកសត្វព្រៃភ្នំឱរ៉ាល់មិនអាចទាក់ទងសុំការអធិប្បាយបានទេកាលពីថ្ងៃម្សិលមិញ៕

មុខងារថ្មីរបស់ iPhone 8 នឹងធ្វើឲ្យអ្នកលែងចង់ប្រើប្រាស់ទូរស័ព្ទផ្សេងៗ

ថ្មីៗនេះលេចព័ត៌មានថា កំពូលស្មាតហ្វូនរបស់ Apple ដែលគេរំពឹងថាជា iPhone 8 នោះ នឹងត្រូវក្រុមហ៊ុនបំពាក់បច្ចេកវិទ្យាថ្មី គឺសាកថ្មឥតខ្សែរ ហើយរឿងនេះវាអាចជាការពិត។ យោងតាមគេហទំព័រ Lite-On Semiconductor បានរាយការថា ក្រុមហ៊ុន Apple ប្រហែលជាបន្ថែមមុខងារសាកថ្មឥតខ្សែរទៅលើ iPhone 8 ដើម្បីងាយស្រួលក្នុងការសាកថ្មដែលវាមានឈ្មោះថា WattUp វាអាចឲ្យយើងសាកថ្មបានដោយមិនចាំបាច់ដោតខ្សែរ រឺដាក់លើឧបករណ៏អ្វីផ្សេងឡើយ គឹវាប្រើប្រាស់ដូច ទៅនឹង Wifi ដែរ ហើយវាអាចឲ្យយើងសាកថ្មបានចម្ងាយរហូតដល់ទៅ 4,5 ម៉ែត្រ ពីដុំសាក។

កសិកម្មដំឡូងមី កម្ពុជា នៅតែត្រូវបានគេមើលរំលង

ភ្នំពេញៈ នៅពេលអាជ្ញាធរថៃហាមការនាំចូលដំឡូងពីកម្ពុជាដើម្បីជួយដល់កសិកររបស់គេ កសិករខ្មែរនៅតាមបណ្ដោយព្រំដែនជាប់នឹងប្រទេសថៃធ្លាក់ទៅក្នុងភាពអស់សង្ឃឹមដោយសារតែមិនអាចលក់ផលិតផលរបស់ខ្លួនបាន ឬលក់បានក្នុងតម្លៃទាបទៅឲ្យឈ្មួញកណ្តាល។

ចាប់តាំងពីយើងនិយាយអំពីដំឡូង វាអស់រយៈពេលជាច្រើនឆ្នាំមកហើយ ហើយវាក្លាយជារឿងធម្មតាសម្រាប់កសិករខ្មែរដែលរង់ចាំតែប្រទេសជិតខាងដូចជាថៃ និងវៀតណាម ខណៈបញ្ហាមិនត្រូវបានដោះស្រាយ។ នេះជាការត្អូញត្អែររបស់តំណាងសហគមន៍ដំឡូងមីនៅខេត្តប៉ៃលិន។

អ្នកស្រី ស៊ុំ ហៀង ប្រធានសមាគមដំឡូងខេត្តប៉ៃលិន ដែលមានកសិករ៥២គ្រួសារជាសមាជិកបានឲ្យដឹងថា កសិកម្មដំឡូងមីកម្ពុជាកំពុងជម្នះការពិបាកអស់រយៈពេលជាច្រើនឆ្នាំមកហើយ ខណៈទីផ្សារពឹងលើប្រទេសជិតខាង ហើយបញ្ហាមិនដែលត្រូវបានដោះស្រាយដោយរដ្ឋាភិបាល។

អ្នកស្រីបន្តថា៖ «ជានិច្ចកាលយើងពឹងលើទីផ្សារប្រទេសជិតខាង។ គ្មាននរណាម្នាក់ខ្វល់អំពីវិស័យដំឡូងនោះទេ យើងមិនដែលទទួលបានការគាំទ្រហិរញ្ញវត្ថុណាមួយពីរដ្ឋាភិបាល ឬវិធានការណាមួយសម្រាប់ការធ្វើអន្តរាគមន៍ នៅពេលដំឡូងរបស់យើងត្រូវបានរារាំងនៅតាមព្រំដែននោះទេ»។

បច្ចុប្បន្នដំឡូងមីស្រស់ មានតម្លៃ៤បាតក្នុងមួយគីឡូក្រាមប៉ុណ្ណោះ។ នេះបើយោងតាមអ្នកស្រី ស៊ុំ ហៀង។

អ្នកស្រីបញ្ជាក់ថា៖ «កសិករភាគច្រើនបានបោះបង់ការដាំដុះដំឡូង ហើយចាកចេញទៅរកការងារធ្វើនៅប្រទេសផ្សេង ហើយនៅសល់តែមនុស្សចាស់ៗប៉ុណ្ណោះដែលមិនមានជម្រើស»។

បើទោះបីយ៉ាងនេះក្តី មន្ត្រីក្រសួងកសិកម្ម អះអាងថា រដ្ឋាភិបាលមិនដែលព្រងើយកន្ដើយនឹងកសិកម្មដំឡូងមីនេះឡើយ។

លោក ឡោ រស្មី អ្នកនាំពាក្យក្រសួងកសិកម្ម បានបញ្ជាក់ថា ដំណាំដំឡូងមីជាដំណាំកសិកម្មធំទីពីរបន្ទាប់ពីស្រូវ ហើយរដ្ឋាភិបាលកំពុងស្វះស្វែងរកទីផ្សារ និងលទ្ធភាពដោះស្រាយបញ្ហានេះ។

លោកលើកឡើងថា៖ «នៅពេលនេះយើងកំពុងព្យាយាមបង្កើតកិច្ចព្រមព្រៀងជាមួយប្រទេសថៃ ដើម្បីទទួលបានកូតាសម្រាប់ដំឡូង យើងនឹងព្យាយាមជួយវិស័យដំឡូងតាមរយៈការប្រើប្រាស់ការធ្វើកសិកម្មតាមកិច្ចសន្យា ហើយវានឹងធានាទីផ្សារតម្លៃ»។

លោកឲ្យដឹងថា កសិកម្មដំឡូងមីមិនទាន់ស្ថិតក្នុងបញ្ហានៅឡើយទេនៅពេលនេះ។ លោកបន្តថា៖ «យើងនៅតែកំពុងដោះស្រាយបញ្ហាសម្រាប់កសិករ ហើយអន្តរក្រសួងកំពុងស្វែងរកទីផ្សារសម្រាប់ពួកគេផងដែរ»។

លោកបន្ថែមថា៖ «ដូច្នេះនៅពេលបច្ចុប្បន្នដំឡូងមិនកំពុងប្រឈមនឹងបញ្ហាពិបាកណាមួយនៅឡើយទេ»។

យោងតាមលោក ឡោ រស្មី នៅពេលនេះមានរោងចក្រកែច្នៃដំឡូងប្រហែល៤ នៅក្នុងប្រទេស ដែលត្រូវការដំឡូងប្រហែល២០ភាគរយ ខណៈដែល៨០ភាគរយទៀតត្រូវបាននាំចេញ។

លោក ខាន់ សំបាន ប្រធាននាយកដ្ឋានដំណាំកសិកម្មឧស្សាហកម្ម នៅក្នុងក្រសួងកសិកម្ម បានឲ្យដឹងថា ចាប់ពីឆ្នាំ២០១៥ ដល់ ឆ្នាំ២០១៦ ផ្ទៃដីដាំដុះដំណាំដំឡូងមានចំនួន ៥៧៣ ៦២៤ ហិកតា និងទទួលបានបរិមាណផលប្រចាំឆ្នាំមានជាង១៣លានតោន។

លោក ម៉ី កល្យាណ ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានឲ្យដឹងថា វិស័យកសិកម្មកម្ពុជានៅពេលនេះកំពុងកើនឡើង ប៉ុន្តែទន្ទឹមនឹងនេះវិស័យនេះក៏មានបញ្ហាច្រើនកើតឡើងជាបន្តបន្ទាប់ផងដែរ។

លោកបញ្ជាក់ថា៖ «វិស័យកសិកម្មកំពុងរីកចម្រើន ខ្ញុំជឿថា វាមានបញ្ហាច្រើននៅក្នុងវិស័យនីមួយៗ ដែលរដ្ឋាភិបាល មិនអាចពិនិត្យមើលទាំងអស់បានទេ»។

លោកបានបន្តថា ក្រុមហ៊ុនផលិត និងក្រុមហ៊ុននាំចេញគួរតែធ្វើការងាររួមគ្នាដើម្បីបង្រួបបង្រួមការដឹកនាំដ៏រឹងមាំ និងធ្វើការងារជាប្រព័ន្ធដើម្បីដោះស្រាយបញ្ហា និងបញ្ចុះបញ្ចូលរដ្ឋាភិបាលសម្រាប់ការចាត់វិធានការ។

លោកបានបន្ថែមថា៖ «តម្លៃនឹងមិនប្រែប្រួល ប្រសិនបើយើងអាចធានាការគ្រប់គ្រងលើគុណភាព នៅក្នុងការបង្កើនទំនុកចិត្តដល់អ្នកទិញ ហើយបញ្ហានឹងត្រូវបានដោះស្រាយ»៕

Promotion ពិសេស

ព្រៃស្វាពិសិដ្ឋ អ៊ូប៊ុដ កោះបាលី ជម្រកពានរទាក់ចិត្ដទេសចរ

កោះបាលី: ព្រៃស្វាពិសិដ្ឋអ៊ូប៊ុដ គឺជាតំបន់អភិរក្សធម្មជាតិសម្រាប់សត្វស្វា ៣៤០ ក្បាល ដែលរស់នៅជាក្រុមៗ ហើយក្រុមនីមួយៗគ្រប់គ្រងដែនដីផ្ទាល់ខ្លួន។

ផ្អែកលើព័ត៌មានពីមន្ដ្រីមូលដ្ឋាន ក្នុងព្រៃនេះមានក្រុមស្វា ៤ ប្រភេទដោយមានមេដឹកនាំដែលទទួលបានការគោរព និងមានអាទិភាពជាងសត្វដទៃ។

ផ្ទៃដីព្រៃប្រមាណ ២៧ ហិកតា មានរុក្ខជាតិប្រហែលជា ១១៥ ប្រភេទ ដូចជា ដូងសម្រាប់តាំងលម្អ ឫស្សី ឈើខ្លឹមអាកាហ្ស៊ូ ដើមពោធិ៍ ព្រៃវេទមន្ដ និងរុក្ខជាតិផ្សេងៗទៀត។

រុក្ខជាតិត្រូពិកប្លែកៗបានក្លាយជាគោលដៅទេសចរណ៍ដ៏សំខាន់មួយ។ ដើមឈើខ្លះត្រូវបានចាត់ទុកជាវត្ថុពិសិដ្ឋ ព្រោះវាត្រូវបានប្រើក្នុងពិធីសាសនានិងអបិយជំនឿ។

Content image - Phnom Penh Post

ភ្ញៀវទស្សនាទ័ពស្វារាប់រយក្បាលក្នុងព្រៃស្វាពិសិដ្ឋដ៏ត្រជាក់រហឹម។

ជាក់ស្ដែង ដើមម៉ាជេហ្គេន ត្រូវបានប្រើសម្រាប់សង់អារាម ហើយដើមពោធិ៍ដ៏ពិសិដ្ឋដែលស្លឹករបស់វាត្រូវបានប្រើក្នុងពិធីបុណ្យសព។ ភ្ញៀវទេសចរដែលមកកម្សាន្ដទីនេះអាចស្វែងយល់ពីអត្ដចរិតទ័ពស្វាឃ្យូតៗទាំងនេះ ខណៈដែលរីករាយនឹងសម្រស់ធម្មជាតិ។

ព្រៃក្រាស់ដែលដុះក្នុងតំបន់អភិរក្សនេះ ធ្វើឲ្យខ្យល់អាកាសត្រជាក់ល្ហឹម និងជំនោរបរិសុទ្ធ។ បន្ថែមពីនេះ ភ្ញៀវទេសចរក៏អាចប្រាស្រ័យទាក់ទងជាមួយហ្វូងក្ដាន់ដែលត្រាច់ចរគ្រប់ទីកន្លែង។

ព្រៃស្វាពិសិដ្ឋអ៊ូប៊ុដ បើកទ្វារស្វាគមន៍ភ្ញៀវពីម៉ោង ៨ ព្រឹកដល់ម៉ោង ៦ ល្ងាច។ ក្រោយពីចតរថយន្ដក្នុងចំណតដែលមានទីធ្លាធំទូលាយ ភ្ញៀវអាចដើរសំដៅទៅកាន់បញ្ជរលក់សំបុត្រដោយផ្ទាល់។

Content image - Phnom Penh Post

ប្រាសាទនៅក្នុងព្រៃស្វាពិសិដ្ឋអ៊ូប៊ុដដ៏ទាក់ទាញភ្ញៀវទេសចរ។

សំបុត្រចូលទស្សនាមានតម្លៃ ៣ ដុល្លារសម្រាប់មនុស្សធំ និង ២,២៥ ដុល្លារសម្រាប់ក្មេង ហើយថ្លៃចតរថយន្ដ ០,៣៧ ដុល្លារ។ ពេលឈានជើងចូលព្រៃក្បែរខ្លោងទ្វារ ភ្ញៀវនឹងបានឃើញអ្នកលក់ចេកជាច្រើន។

ពួកគេលក់ចំណីស្វាទាំងនេះក្នុងតម្លៃថោកសមរម្យ។ ចូរទិញផ្លែចេកខ្លះ បើប្រាថ្នាចង់នែបនិត្យស្និទ្ធស្នាលជាមួយស្វា។ ការបានទស្សនាទីនេះវាជាបទពិសោធប្លែកអារម្មណ៍។

យ៉ាងណាមិញ ភ្ញៀវទេសចរមិនត្រូវបានអនុញ្ញាតឲ្យដើរខុសផ្លូវដែលចង្អុលបង្ហាញដោយអ្នកគ្រប់គ្រងឡើយ ពីព្រោះបើពួកគេដើរខុសផ្លូវ ហ្វូងស្វារស់នៅក្នុងព្រៃពិសិដ្ឋនោះច្បាស់ជាខឹងសម្បា។

ពួកវាយល់ថា ភ្ញៀវមកឈ្លានពានដែនដីរបស់ខ្លួនគ្រប់គ្រង និងគិតថា វាគឺជាការគំរាមកំហែងដល់សន្ដិសុខរបស់ពួកវា៕HR

ស្គាល់គ្នាតាម Facebook ឃើញគេមាន Range Rover Sport 2016 ថែមទាំងរូបសង្ហាទៀត ចង់ទាក់គាត់ ទីបំផុតក្រោយស្នេហាមួយរាត្រី លទ្ធផលទទួលបានគឺ កូន និងអេដស៍

នេះជារឿងរ៉ាវស្នេហាអប់រំមួយដែលចង់ឲ្យស្រីៗអានទុកជាបទពិសោធន៍។ រឿងនេះកើតចេញពីការស្គាល់គ្នាតាម Facebook រហូតឈានដល់ការរួមរក្ស័ជាមួយគ្នាទៅតាមអារម្មណ៍ស្រើបស្រាល អស់មួយរាត្រី ដែលចុងក្រោយធ្វើអោយខាងស្រីមានវិប្បដិសារីអស់មួយជីវិត ព្រោះតែមានផ្ទៃពោះ ស្របពេលដែលនាងឆ្លងមេរោគអេដស៍ពីដៃគូស្នេហា ធ្លាប់គិតថាស្រលាញ់ស្មោះស្មគ្រ័អស់មួយជីវិតទៅវិញ។ រឿងរ៉ាវនេះអាចមានពិតមែន ដោយគេរៀបរាប់នៅក្នុង អត្ថន័យបែបអប់រំថា៖

ដំបូងឡើយអ្នកឃើញគាត់នៅក្នុង Group មួយរបស់ Facebok អ្នកចូលឆែកមើល Profile របស់គាត់ គាត់មានឡានទំនើប Range Rover Sport ឆ្នាំ2016 មួយគ្រឿង គាត់សង្ហាណាស់ គាត់បានឆាតទៅអ្នក អ្នកឆ្លើយតបទៅគាត់វិញទាំងក្ដីត្រេកអរ អ្នកគិតថានឹងចង់ទាក់គាត់ អ្នកកំណត់ថ្ងៃណាត់ជួមជាមួយគាត់ អ្នកស្លៀកខ្លីកប់ក្រលាន ដោយពុំបានពាក់ខោក្នុងឡើយ ជាមួយនឹងក្លិនដ៏ប្រហើរ អ្នកតុបតែងខ្លួន ជាមួយនឹងក្លិនដ៏អូប អបដោយសម្លៀកបំពាក់ថ្មី គាត់ទៅទទួលអ្នកដើម្បីញ៉ាំអាហារថ្ងៃត្រង់នៅសណ្ឋាគារ Serena គាត់នាំអ្នកទៅផឹកបន្ដនៅ Java។

អ្នកទាំងពីរមានពេលវេលាដ៏ល្អ គាត់ចាប់ដៃរបស់អ្នក ធ្វើឲ្យអ្នកសើចសប្បាយ ក្រឡេកមើលអ្នកជាមួយនឹងទឹកមុខញញឹម អ្នកធ្លាក់ក្នុងអន្លុងស្នេហ៍គាត់យ៉ាងងាយស្រួល អ្នកគិតថានឹងស្រលាញ់គាត់រហូត គាត់យកអ្នកទៅផ្ទះរបស់គាត់ គាត់ធ្វើឲ្យអ្នកមានអារម្មណ៍ល្អ រួចផ្ទួលអ្នកទៅលើគ្រែ ថើបអ្នកដោយក្ដីត្រេកត្រអាល អ្នកស្រលាញ់ការថើបរបស់គាត់ ភាពខ្លាំងរបស់គាត់ ហើយអ្នកសម្រេចចិត្តថានឹងឲ្យអ្វីៗទៅគាត់ វាពិតជាមានអារម្មណ៍ល្អណាស់ អ្នកដឹងថាធ្វើបែបនេះគឺខុស តែវាធ្វើឲ្យអ្នកមានអារម្មណ៍ល្អ អ្នកសុំឲ្យគាត់ការពារ តែគាត់និយាយថាវាយឺតពេលហើយ អ្នកក៏តាមគាត់ គាត់និយាយថាគាត់ស្រលាញ់អ្នក ហើយអ្នកមិនបង្អង់យូរនឹងនិយាយថាអ្នកស្រលាញ់គាត់វិញទេ។

គាត់ចាប់ផ្ដើមសកម្មភាពដោយយឺតៗ មិនតក់ក្រហល់ បន្ទាប់មក គាត់ក៏ដើរទៅផ្ទះបាយដើម្បីផឹកទឹកមួយកែវ គាត់ចាក់មួយកែវយកមកឲ្យអ្នកដែរ ព្រះអើយ អ្នកមានអារម្មណ៍ពិសេសយ៉ាងខ្លាំង អ្នកគិតថាអ្នកនឹងជាមនុស្សតែម្នាក់ទេ អ្នកស្លៀកសម្លៀកបំពាក់វិញ គាត់ជូនអ្នកទៅកាន់ចំណត់តាក់ស៊ី គាត់ថើបថ្ពាល់អ្នក រួចនិយាយថា “វាជាពេលវេលាដ៏ល្អ” ឲ្យលុយមួយចំនួនទៅអ្នក អ្នកញញឹម រួចនិយាយថា “ស្អែកជួបគ្នាបងសម្លាញ់” គាត់មិនមានសកម្មភាពអ្វីទាំងអស់ តាក់ស៊ីចាប់ផ្ដើមចេញដំណើរ ក្នុងឡានតាក់ស៊ីតាមផ្លូវអ្នកពុំអាចបញ្ឈប់ការញញឹមរបស់អ្នកបានទេ អ្នកដល់ផ្ទះ រួចផ្ញើរសារទៅគាត់ថាអ្នកមកដល់ផ្ទះដោយសុវត្តិភាព គាត់ Online តែពុំបានឆ្លើយតបនឹងអ្នកទេ វាមិនដូចជាចារឹកគាត់ទេ ដូចនេះអ្នកផ្ញើរសារទៅគាត់ម្ដងទៀត គាត់នៅតែមិនឆ្លើយតប ប៉ុន្មាននាទីក្រោយមក អ្នកចូលទៅមើល Friend List តែពុំមានគាត់នៅក្នុងនោះទៀតទេ គាត់ BLOCK អ្នក ថ្ងៃ អាទិត្រ ឆ្នាំ កន្លងផុតទៅ អ្នកចាប់ផ្ដើមខ្សោយ ឈឺ ស្រកទម្ងន់ មានសកម្មភាពប្លែកៗ និងមានដំបៅក្នុងមាត់ អ្នកទៅកាន់គ្លីនិកមួយ ទទួលការពិនិត្យ ប៉ុន្មាននាទីក្រោយមក គិលានុបដ្ឋាយិកាដើរមករកអ្នករួចនិយាយថា “ខ្ញុំសុំទោស អ្នកបានផ្ទុកមេរោគអេសដ៍ និងមានផ្ទៃពោះហើយ” តើវាកើតឡើងដោយរបៀបណា?

អ្នកមិនយល់ទាល់តែសោះ តែការពិតនៅតែជាការពិត អ្នកដើរសំដៅទៅផ្ទះវិញ ភ័យខ្លាច យល់ច្រលំ អ្នកដើរសំដៅទៅកាន់ចំណតឡានក្រុង អ្នកសម្រាក អស់សង្ឈឹម បាត់បង់អ្វីទាំងអស់ អ្នកអាចសង្កេតឃើញការស្លាប់ដែលនឹងមកដល់ក្នុងពេលឆាប់ៗនេះ អ្នកសម្លឹងមើលទៅមេឃ រួចធ្វើការអធិដ្ឋាន វាជាទីបញ្ចប់នៃជីវិតអ្នកហើយ កុំចង់ក្លាយខ្លួនដូចជានារីម្នាក់នោះឲ្យសោះ។ បញ្ឈប់ការឈ្លក់វង្វេងជាមួយសម្ភារៈនិយម។ ឈប់ចាញ់បោកសម្ដីពីសំណាកមនុស្សមួយចំនួន ត្រូវធ្វើខ្លួនជាគំរូដល់កូនស្រីរបស់អ្នក ក៏ដូចជានារីដ៏ទៃទៀត រស់នៅជាអ្នក មិនមែនរស់នៅសម្រាប់ទទួលការកុហក៕ ដកស្រង់ពីគេហទំព័របរទេស រឿងអប់រំ